Yon fizi semi-otomatik ki sèvi ak plon 5.56mm koute ant 500 a 700 dola kay Tonton Sam. Trafikan dominiken yo vann li ant 2 500 a 7 500 dola nan peyi d Ayiti. Gang 400 mawozo pa egzanp, se sou fwontyè a yo achte zam pou yo ka touye moun. Zam sa yo se Etazini yo sòti, yo pase pa Sendomeng avèk yo epi antre avèk yo an Ayiti nan tèt kole ak gwo bra nan Leta a, polisye epi otorite ki sou fwontyè a.
Zam sa yo plis pase sou fwontyè Mibalè a daprè rapò Nasyon Zini an. Antouka se pa yon sekrè pou pèsonn. Eskpè Nasyon Zini yo di byen wo, sa anpil moun nan peyi a pat vle di byen ba.
