Kostim, nouvo estil, dekò, animasyon, bon mizik, anpil vokal, avèk albòm Lalin Ak Solèy la, Zafèm eklate New York ak mizik. Réginald Cangé nan tèt kole ak Dener Séïde satisfè ni moun ki te andirèk ni sila yo ki te konekte dèyè telefòn. Zafèm pat menm bezwen koral pou jwe bal la tèlman fanatik yo t ap byen chante ak mesye yo.
Se anviwon 12 mizik sou albòm nan mesye yo jwe nan klèb la kote tout bagay te byen pase. Nan tout lòt sòti yo, gen moun ki gentan prevwa Zafèm pral fè plis moun ankò atravè goute yo bay samdi swa a.
