Lapolis an Repiblik Dominikèn prezante Géraldo Brutus kòm youn nan bandi ki te asasine 7 polisye UDMO Lyankou yo 25 janvye 2023 a. Yo arete l lendi 20 fevriye a nan aswè nan yon minisipalite ki rele Duvergé nan pwovens independencia an Repiblik Dominikèn. Lapolis dominikèn konfime Brutus se yon endividi Lapolis t ap bouske kou chen fou.
Daprè otorite dominikèn yo, yo deja remèt prezime kriminèl la bay enstans yo nan peyi d Ayiti. N ap raple jis jodi a kadav 6 nan 7 polisye yo pa janm rantre sòti Savyen.
