Adolph Francky tout moun rele “Kanaldo”, pèsonaj sa a ki te toujou konn ap kreye animasyon sou kanal la atravè blag li yo ak jan li tante mete tout mo kreyòl yo nan lang espanyòl pèdi lavi l malerezman jounen mèkredi 13 desanm nan. Kanaldo te gen yon gwo twou nan pye l e nan dyalòg li konn genyen ak kèk pèsonalite ki konn ale sou kanal la, li toujou di li soufri maladi sik e se menm sik sa a ki pete nan pye l. Nou ta di tankou si l te vivan “kanaldo vwayajanndo”.
Se yon nouvèl ki rann anpil moun tris pou jan sitwayen sa a te konn motive moun sitou ak jan l te konn pale nan mikwo Laprès. Adolph Francky ak Black Mayous, se 2 pi gwo animatè kanal la.
