Se sou tèm « Yon vè pou kastra » senkyèm edisyon festival slam nan ap gen pou dewoule soti 7 pou rive 15 novanm k’ap vini an. Yon inisyativ asosyason Krèm-Lank ( AKRÈL) ki gen pou objektif fè pwomosyon slam epi oganize atelye fòmasyon ak aktivite kiltirel.
Direktè atistik festival la Chouno Lamarre fè konnen pou senkyèm edisyon sila k ap gen pou dewoule nan Pòtoprens ak kèk vil pwovens plizyè espektak Slam gentan planifye men tou atelye slam, konsè , konferans kote piblik la ap kapab reflechi sou tèm kap gen pou wè ak literati.
N’ap raple pou edisyon avan yo Jakmèl,Gonayiv, Okay ak Pòtoprens te akeyi festival slam nan, pou senkyèm edisyon an jeremi ajoute nan lis la. Ekip festival la gen tan pare pou pataje yon bon moman pwezi ak piblik slam nan.
Angy Desravines
