Gouvènman ki la a lanse yon pwojè sosyal bidon pou fen lane sa a. Tout pri pwodui monte wo pil, pa gen anyen ki di sou sa. Gen gwo sòm lajan ki depanse pou achte kit, se yon konpayi youn nan zanmi gouvènman an ki jwenn kontra, tout kòb la pa depanse e ti sa yo achte yo pa al jwenn vrè viktim yo. Tout nèg ak fanm ki nan leta a ap gagote lajan pandan gen prèske yon milyon moun k ap viv nan mawon poutèt bandi mete yo deyò lakay yo.
Ni Leslie Voltaire ni Premye minis Alix Didier Fils-Aimé la bay popilasyon an anyen regle pou yo pandan peyi a nan yon kriz san parèy.
