Lapolis nan Leyogàn prezante bay laprès Louivens Montina, ki gen 17 lane ki rive asasine papa l, Louis Montina, yon ansyen kazèk nan seksyon Opak. Misye di lapolis li te gen 25 lòt malfra avèk li ki nan gang nan zòn Opak la e se pou Krisla y ap travay. Louivens avwe li bay papa l plizyè bal aprè sa yon lòt parèy li koupe tèt la lèfini yo kole dife sou rès kò a. Pami aktivite gang sa a fè se kidnaping, resèt jou jaden epi nan mache kote y ap vann bèt.
Gang sa a anndan seksyon kominal Opak yon kote Leyogàn kontre ak komin Kafou.
