Jan sa toujou ye chak fen ane anpil aktivite kiltirèl toujou òganize anndan peyi a. Ayè madi 21 desanm 2020 an, aprè plizyè moun te fin jwi lavi yo nan Tara’s, gen yon jenn gason ki resevwa plizyè kout kouto pandan l t ap chèche rantre lakay li, malrezman li mouri nan lopital Kanapevè.

Roosevelt Fortuné Junior, se non jèn gason sa, ki ta pral resvwa plizyè kout kouto, daprè animatè Carel Pedre. Aprè anpil tantiv nan plizyè lopital ki pat ka resevwal, Roosevelt ki t ap bay anpil san, ta pral rann dènye souf li nan lopital Kanapevè.

Fas a sitiyasyon kritik sa, Carel Pedre tire sonèt la, pou mande otorite yo fon ti jefò pou gen anbilans sou lye kote pwogwam yo ap òganize. Animatè a rapousib pou l montre si sèlman te gen yon anbilans, Roosevelt Fortuné Jr te ka jwenn chans viv.

Jeff Jean Joseph