Ronald Richmond, komisè gouvènman Okay la anonse li menm ak Lapolis rive dejwe yon fo kidnaping. Nyrva Artil kidnape pwòp pitit li ki se Jessica pou l te kapab fè lajan sou yon ti mennaj li genyen. Lapolis rive mete Nyrva anba kòd alòske pitit fi li a ki se Jessica sove. Nou aprann te gentan gen yon pati nan lajan an ki te gentan bay.
Otokidnaping ak kidnaping familyal pou fè moun bay lajan, se yon pratik ki kouran nan peyi a tou. N ap raple dènye jou sa yo, Okay gen anpil krim k ap fèt ladan l.
