Yon bò nan baryè fwontyè ki separe Ayiti ak Repiblik Dominikèn nan ap benyen nan rivyè Masak la depi ayè jedi 14 desanm nan. Se aprè yon kamyon ayisyen pase, bwote baryè a voye jete epi yon gwoup moun pran l lage nan rivyè Masak la. Se yon bagay ki soulve kòlè anpil moun e ki lage gwo lajwa nan mitan dominiken ki t ap chache rezon pou kontinye kalonnen Ayiti. Te gen plizyè tantativ ki te fèt deja pou yo te relouvri baryè a.
Byen bonè maten an, anpil ayisyen te kanpe pa pil e pa makòn sou fwontyè a pou rantre ak sòti lakay vwazen. Si Leta te egziste, nou pa t ap bezwen desann nan nivo sa a, daprè yon sitwayen ayisyen k ap viv Wanament.
