Jeff alyas Pipo se non chèf gang sa a ki t ap simen latwoublay nan zòn Dival ak Site Doudoun ki sitiye nan komin Kwadèboukè. Li jwenn lanmò l anba bal menm bandi parèy li yo yè dimanch lan egzateman nan Site Doudoun. Jeff te fenk sòti Sen Domeng kote l t al pase kèk jou daprè enfòmasyon k ap sikile yo.
Site Doudoun se youn nan lokalite nan komin Kwadèboukè kote anpil moun mouri anba bal bandi. Se nan menm zòn sa a 3 medam fanmi Desanclos yo te jwenn lanmò yo san bliye anplwaye konpayi Digicel la. Pipo, chèf gang ki tonbe a te lakoz anpil moun pati kite kay yo.
