Canelo Alvarez se non boksè meksiken sa a ki pwomèt pou l bat Lionel Andrés Messi nenpòt kote li ta kwaze avèk li. Li fè deklarasyon sa a poutèt Messi te pouse yon mayo ekip Meksik la ak pye l pandan yo t ap selebre viktwa yo a anndan vestyè a. “Pito l priye Bondye pou m pa kwaze avè l”, selon sa Canelo di pandan l mande Messi pou l respekte peyi l.
Nan dezyèm sòti yo aprè defèt yo devan ekip Arabi Saoudit la, seleksyon Ajantin nan te bat Meksik 2 gòl a zewo aprè yon gòl Messi epi yon lòt Fernandez te make. Pandan moman selebrasyon an, Messi pouse mayo meksiken an ak pye l, sa ki vin mete l an fas boksè meksiken an.
