Maten madi 23 avril sa a, gen yon avyon militè ameriken ki ateri nan Ayewopò Entènasyonal Tousen Louvèti. Daprè enfòmasyon k ap sikile, se yon avyon ki vini nan kad yon vizit espeyal pou gade kòman sitiyasyon sekirite a ye. Ladan l gen yon seri ekspè nan zafè sekirite ki vin kontwole perimèt Ayewopò a pou wè si vòl kapab reprann avan lontan nan peyi a.
Avyon sa a pote kèk materyèl tou pou anbasad amerikèn. N ap raple 2 me k ap vini la a, gen planifikasyon k ap fèt pou vòl komèsyal yo retabli nan peyi d Ayiti.
