Nan yon operasyon otorite polisyè yo reyalize nan depatman Nip, espesyalman nan lokalite Lyèv, jedi 15 oktòb 2020 an, Luckson Célestin, alyas Sonson, ki se ansyen sòlda Arnel Joseph, tonbe anba bal. Nan menm moman an, 3 lòt prezime asasen jwenn lanmò yo.
Se Pòt-pawòl Polis nasyonal Dayiti a (PNH) nan depatman Nip peyi a, Wisnel Décembre, ki konfime nouvèl la sou radyo Kiskeya.
Daprè M. Décembre, otorite polisyè yo t’ap chèche prezime asasen sa yo tankou chen fou pou plizyè zak akizasyon ki sou do yo tankou vyòl, kidnapping, pou n site sa yo sèlman.
Nan moman operasyon an, ajan polisye yo sezi 6 zam ak plizyè katouch.
Wilner Jean
