Chèf gang Jimmy Chérisier, alyas Babekyou ki se pòt vwa kowalisyon Viv Ansanm mande pou gouvènman Garry Conille an chita avèk yo. Babekyou di yo pare pou yo antre nan koki yo, kite peyi a fonksyone men pou sa fèt fòk yo chita dyaloge avèk yo. Depi aprè lanmò 3 polisye UTAG yo, Babekyou prèske pa pase yon jou pou l pa sòti videyo. Ant lapèrèz avèk konsyans, pyès moun poko konn ki kote Babekyou sitiye tèt li.
Sèlman kesyon kowalisyon Viv Ansanm nan dwe reponn se sa a: èske yo ka al chita dyaloge avèk yo sou san plizyè milye moun ki mouri epi ki dekapitalize nan peyi a.
