Kout bal te fè mikalaw sou Channmas jounen dimanch 21 avril sa a. Lapolis ak bandi yo livre yon gwo batay pandan tout jounen an kote tout bagay te tèt anba pou yon lòt fwa. Izo te menm mete dwon li anlè ankò pou ede sòlda l yo defye Lapolis. Nan yon moman kote gwo planifikasyon ap fèt pou enstalasyon Konsèy Prezidansyèl la, Viv Ansanm li menm ap sapata Pòtoprens.
Kesyon k ap poze kounye a se ki fòmil PNH la pral mete sou pye pou kontrekare aksyon bandi yo anba lavil la? Antouka Frantz Elbé te pwomèt l ap ba yo sekirite.
