Taba 52, blòk BLTS, Karade, anba Klèsin pou n site zòn sa yo ase, se nèg ak zam ki gen kontwòl yo. Byen bonè maten madi 8 dawout la, gwo kout zam otomatik ap chante. Pèsonn moun paka deplase maten an e daprè sa nou aprann, sekirite Ariel Henry yo bloke perimèt ki sòti sou Vivi Mitchell la, sa ki lakoz moun paka chape kò yo.
Se t gwo zam lagè k ap tire nan zòn Taba. Tout moun prèske fèmen lakay yo e nan kafou OAVCT a, bandi yo achte l lajan kontan y ap fè lòbèy. Popilasyon an pa konn ki sen pou yo rele ankò, menm dlo yo paka sòti al achte.
