Vant siyati «Veni Vidi Vici», ki se nouvo albòm rapè Rhod D’Jyvens Thélémaque, anpil moun konnen sou non D-Fi, ak KenFs, ki gen bon non l Kendy Saint Fleur, reyalize ansanm, ki t ap fèt 1er novanm 2020 an, repòte pou yon dat ki poko kenbe, se sa ekip kominikasyon 2 rapè yo fè konnen.
Nan planifikasyon yo, estaf ki t’ap òganize vant siyati a pa t anvizaje reyalize konsè nan kad aktivite a.
«Chanjman sa a fèt nan objektif pou n satisfè fanatik yo ki mande pou 2 rapè yo pèfòme sou menm sèn», se eksplikasyon responsab yo.
«Evazyon Mizik» ak «Amistad Empire», 2 labèl ki kouvri 2 atis yo, fè konnen fanatik yo ka kontinye achte albòm nan ki make dimansyon fratènèl D-FI ak KenFs.
Wilner Jean
