Kèk minit avan Edgard Leblanc Fils te gen pou l pran avyon pou ale nan peyi Etazini pou l te ka patisipe nan 79èm Asanble Jeneral Nasyon Zini an, Prezidan konsèy lan resevwa yon mesaj ki sòti nan sèvis sekirite ameriken ki di l yo pa an mezi pou asire sekirite 2 delegasyon ofisyèl k ap sòti Ayiti. Tonton Sam di se ayè yo resevwa yon delegasyon ofisyèl Garry Conille nan tèt li. Se 26 septanm nan Ayiti gen pou pran lapawòl nan 79èm Asanble Jeneral Nasyon Zini an.
Kiyès k ap dirije Ayiti menm? Antouka konfli ki genyen ant Primati ak KPT a gen posiblite pou l rive lwen paske Garry Conille pa vle pran lòd nan men mesye dam yo.
