Michel Martelly te gen obligasyon pou l kite tèritwa ameriken an rapid depi aprè yo te fin enfòme l sou dosye sanksyon li an. Pou kounye a, pa gen pèsonn ki konn kote chèf bandi legal la ye. OFAC fè konnen tou, tout moun ki te konn fè tranzaksyon ak chantè Sweet Miky a kapab tonbe anba sanksyon tou pandan yo di okenn bank ak lòt enstitisyon nan peyi yo a pa gen dwa fè okenn tranzaksyon lajan ak bawon PHTK a.
Gouvènman kanadyen an, atravè Mélany Joly bat gwo bravo lakontantman pou mezi sa yo blan meriken pran kont Martelly a.
