Youn nan sispèk ki nan prizon pou dosye asasina Jovenel Moïse la konfye bay anketè ameriken yo, prezidan an te gen yon gwo mago lajan lakay li. Selon sa l di, lajan sa a se plizyè dilè dwòg ki te peye Jovenel li pou yo ka itilize Ayiti kòm kote pou yo fè dwòg pase pou ale Etazini. Selon kèk sispèk ki anndan prizon, montan lajan an varye ant 45 a 53 milyon dola vèt. Se akoz lajan sa ki te pouse kolonbyen yo masakre prezidan an daprè lòd yo te resevwa, selon sa Miami Herald ekri.
Okenn anketè ameriken pa entèrese pou al konnen si lanmò prezidan an gen pou wè ak zafè dwòg jan yo di a. Anketè ameriken yo mete dosye dwòg la sou kote. Pou sa ki gen pou wè ak enfòmasyon ki di se paske Jovenel Moïse ta pral bay Etazini yon lis non dilè dwòg la, anketè yo di bagay sa a se pa vre, daprè kèk sous.
