Depi premye minis Ariel Henry pran tèt Primati Repiblik d Ayiti nan dat 20 jiyè 2021 daprè yon rapò RNDDH, gen 78 polisye ki asasinen. Chif sa reprezante yon mwayèn 5 ajan pa mwa. Depi ane 2023 a kòmanse, pou pi piti 14 polisye mouri epi 2 disparèt. RNDDH lage responsablite a sou Prezidan CSPN nan ak DG PNH la. N ap raple menm asasina komisè Harrington Louis pat souke plim sou do PM Ariel Henry.
Anpil polisye, aprè dènye zak ki pase Lyankou a, mete pye yo atè pou denonse iresponsablite Wo Kòmandman PNH la ki anba kontwòl Frantz Elbé ak prezidan CSPN nan Ariel Henry. Lanmò polisye yo pat janm brannen Ariel Henry.
