Gen anpil moun ki temwanye pou di gen migran yo jwenn ak papye, yo chire l yo voye yo ale. Gen lòt yo mande lajan aprè sa yo lage yo. Depòtasyon sa yo atenn yon chif ki depase degre daprè yon rapò Ofis Nasyonal Migrasyon (ONM) mete deyò. Sou 3 dènye mwa sa yo, se plis pase 50 mil migran ayisyen imigrasyon dominikèn voye tounen Ayiti daprè ONM. E menm pandan y ap depòte ayisyen yo nan trè movèz kondisyon, sa pa anpeche yo bat yo mete sou li.
Sou fwontyè ki separe 2 peyi yo, se prèske chak jou plizyè santèn moun ap vin debake tankou machandiz pou antre Ayiti. N ap raple, nan dekrè Luis Abinader siyen ayè a se ayisyen k ap viv kote ki pa pou yo Sendomeng y ap depòte daprè sa nou li nan dekrè sila a.
