Apati vandredi 6 janvye 2023, a 6 zè nan laprè midi, l ap 5è nan peyi Dayiti, Repiblik Dominikèn p ap voye ze vann an Ayiti. Mezi sa a pral dire 15 jou e responsab yo di yo pran desizyon sa a pou anpeche pri ze a ogmante sou tèritwa yo a. Pri katon ze a ki gen 12 grenn ladan l ap vann kounye a 94 pesos nan makèt e l ap vann 112 pesos kèk lòt kote sitou nan mache kote yo vann epis nan peyi vwazen.
Se prezidan dominiken an Luis Abinader ak minis prezidans lan Joel Santos ki anonse nouvèl sa a nan yon tèt ansanm kote yo t ap bay detay sou rezon ki fè yo pran desizyon sa a. N ap raple pou kouwè l ye la a, yon peso dominiken egal ak 2, 26 goud e 0, 018 dola ameriken.
