« W ap ka anbake pou Repiblik Dominikèn sèlman si w gen yon paspò ameriken. Si se paspò ayisyen pasaje a genyen, malerezman nou p ap ka otorize li anbake », se sa sèvis kliyantèl JetBlue ak American Airlines deklare nan mikwo jounalis Luckson St Vil. Sèvis kliyantèl liy ayeryèn sa yo fè konfrè a konnen se yon mezi restriksyon otorite dominikèn yo pran sanzatann, yo menm yo oblije koube anba l.
Nenpòt pasaje k ap sòti Etazini nan moman sa a e ou vle mete tèt kay Luis Abinader, depi w gen paspò ayisyen, ou p ap ka monte avyon an.
