Selon deklarasyon Assad Volcy, se Ariel Henry ki pase komisè gouvènman Pòtoprens lan lòd pou libere Stéphanie Mondestin paske l pat dakò jan arestayon an te fèt la. Nan entèvansyon li an, li fè konnen premye minis la pa vle pote non “pèsekitè politik” sitou madanm nan se moun pa Claude Joseph. “Yo pat libere Stéphanie Mondestin depi samdi se pou yo pat blaze komisè gouvènman an”, toujou selon deklarasyon Assad Volcy a.
Pi lwen, responsab Gazette Haïti a di Alfredo Antoine nan dwa l lè l di Edler Guillaume pa gen konpetans pou tande moun ki akize yo paske depi lè l te fin resevwa rapò yo nan men ULCC, li te dwe tou voye yo devan yon jij enstriktè pou swit legal.
