Nan 4 minit sèlman ak 32 segond Samy Gee nan kolaborasyon ak Rapè Terib ap fè anpil moun pran plezi ak videyoklip « Chofè moto ». Yon listwa k ap dewoule ant yon chofè moto ak yon jèn fi ki te vinn apresye chofè sila.
Samuel Vicière ki se bon non Samy Gee pat kache satisfaksyon li pou jan piblik la akeyi mizik la , sa ap pèmèt li menm pran wout siksè . « Chofè moto si m ta di w kote m prale, èske w panse si m ta di w kote m prale, ou pral depoze mwen ? se pawòl sa yo ki kaptive fanatik yo , ki menm pèmèt videyo a atenn plis pase 154 000 views sou YouTube.
N ap raple Samy Gee « Nèg Kòtdefè »te vis chanpyon twazyèm edisyon Noël Caraibes, li kontinye envite fan li yo apresye « chofè moto » an atandan preparasyon lòt pwojè li yo.
Angy Desravines
