Andeyò de fwontyè a Luis Abinader kite fèmen pou dosye Kanal la, li pran mezi pou entèdi materyèl elektwonik, fè, siman, materyèl menajè elatriye, antre nan peyi d Ayiti. Anplis de sa, gen anpil kote lòtbò a ayisyen pa ka travay ankò. Tankou gen yon posyon gwo fèm agrikòl yo pa vle ayisyen travay yo ankò.
Luis Abinader pa relouvri fwontyè a paske l konnen Ayiti se yon peyi men li pran mezi sa a, pou pèmèt bagay k ap pouri lòtbò yo ekoule. Se paske pwodiktè dominiken yo leve dèyè misye ki fè l pran ti desizyon sa a paske Ayiti jwe yon gwo wòl nan ekonomi yo a.
