Lapolis arete Stéphanie Mondestin, pwòch ansyen premye minis Claude Joseph ki te Direktris Jeneral Adjwen nan ONA. Se nan Ayewopò Entènasyonal Tousen Louvèti yo fouke alòske l t ap tante rann li an Repiblik Dominikèn men se an Ewop li ta pral kache daprè dokiman ki nan men l. Stéphanie Mondestin te gen envitasyon Pakè Pòtoprens pou l al reponn kesyon sou lajan ONA li menm ak Alfredo Antoine te dechèpiye yo lendi 27 novanm k ap vini la a.
Yo kenbe chat mawon sa a toujou nan komisarya Ayewopò a annatandan komisè gouvènman an vin poze l kesyon. Y ap kenbe l jiskaske jou pou l ale devan Pakè a rive.
