Jean Gonzales Diamison Théodore alyas pwofèt Berger jwenn arestasyon l jounen samdi 14 janvye a nan zòn Sine Triyonf. Daprè enfòmasyon yon sous nan PNH la bay radyo Métronome, pwofèt la gen bon jan relasyon ak gang nan peyi a. Pwofèt Berger, daprè detay Lapolis bay li pataje bon jan rapò ak gang Gran Ravin nan. N ap raple li te di ak pwòp bouch li nan moman G9 t ap fòme se li menm ki te pèmèt mesye yo chita ansanm.
Pwofèt Berger sa a, pou rapèl, se li menm ki toujou ap lave pye l epi bay moun bwè dlo a ak yon bann lòt bagay ki deranje lòd sosyal nan mitan sosyete ayisyèn nan.
