Andres Manuel Lopez Obrador, prezidan Meksiken an koupe relasyon l ak anbasad amerikèn ak kanadyèn ki nan peyi l poutèt yo foure bouch twò fon nan dosye Jistis peyi l. “Nou pran yon poz”, se sa prezidan Meksik la deklare ayè madi 27 dawout la. Gen yon refòm jidisyè k ap fèt nan peyi Meksik, anbasadè 2 peyi sa yo di se yon menas pou demokrasi peyi a, mesye Obrador di yo bagay konsa pa gade yo.
Prèske tout enstitisyon piblik nan peyi Meksik kanpe dèyè do prezidan an pou mezi sa a li pran pou kanpe relasyon l ak Anbasad peyi Etazini epi Kanada ki lakay li.
