Sitwayen ayisyen pral gen posiblite pou ale Brezil san viza si sa gen pou wè ak “ka regwoupman familyal”, selon yon desizyon lajistis nan peyi Brezil pran yè vendredi 16 desanm 2022 a. Daprè jounal Listin Diario, moun ki swete ale yo dwe gen otorizasyon tribinal peyi Brezil yo paske se ayisyen ki o Brezil k ap kapab jere demach yo pou yo. Se yon mezi ki pral pèmèt plis ayisyen rantre Brezil lè n konsidere kantite konpatriyòt ki gen dezi sa a.
Depi plizyè ane la a anpil ayisyen, jèn yo an patikilye, pran desizyon pou kite peyi a pou divès rezon: ensekirite, lavi chè, grangou pou n site sa yo ase. Desizyon sa a lajistis Brezil apèn pran la a kapab ogmante chif ayisyen k ap deplase kite peyi a.
