Okenn ofisye kenyan pa gen dwa pibliye foto sou rezo sosyal yo, achte manje deyò, envite zanmi anndan baz la. Mezi sa yo mete sou pye yon fason pou evite eskandal ki te konn genyen nan epòk Minustha yo, daprè yon atik AyiboPost pibliye. Pandan misyon yo a tou, kenyan yo pa gen dwa konsome alkòl, yo paka pale ak laprès e yo pa dwe kite baz la pou pwòp rezon pa yo, toujou daprè sa medya ayisyen an rapòte.
N ap raple baz kenyan yo twouve l nan komin Taba e depi lè yo debake nan peyi a, yo poko janm mennen yon operasyon serye tankou jan kominote entènasyonal la t ap klewonnen sa avan an.
