Daprè enfòmasyon komisè gouvènman Pòdepè a bay maten an sou radyo, se 30 prizyone ki chape poul yo vandredi 3 me a nan prizon sivil Pòdepè a. Gen 5 moun ki mouri pandan evazyon sa a pami yo yon gwo chèf gang ki rele 3 milyon. Misye te konn ap opere nan gang ti Bwadòm nan. Akoz sa ki pase a, Pakè a arete Enspektè Smith avèk yon lòt ajan ki responsab operasyon nan nwit.
Evazyon sa a fèt vè 10è nan aswè e se yon gwo derapaj ki lage tout vil la nan kouri. Komisè Jeir Pierre fè konnen gen plizyè gwo bandi ki chape.
