Aprè plizyè ka kidnapin ki fèt nan zòn metwopolitèn nan kote se bandi ki abiye ak inifòm lapolis ki fè yo, enstitisyon PNH la deside pa rete endiferan. Nan sans sa, lapolis la mande pou okenn polisye pa mete kagoul nan moman y ap fè tchèk woutin.
Toujou daprè nòt sa PNH la sòti nan dat jedi 3 mas la, DGPNH la mande pou tout machin enstitisyon an gen plak devan tankou dèyè ak anblèm PNH la sou kapo machin nan.
Diferan mezi sa yo pran nan objektif pou pèmèt popilasyon an indantifye polisye ak bandi an inifòm yo ki nan lari a. PNH la mande popilasyon an rele nan 3838-1111 depi yo ta wè yon polisye ki vyole prensip sa yo.
