Enspektè Divizyonè Antoine Joachim ki gen ti non jwèt “Kòmandan Blokis” ki sitou te konn travay nan komin Taba pèdi lavi l ayè mèkredi 12 jwen an, nan jou fèt PNH la. Enspektè sa a bandi te kidnape l deja menmsi yo te libere l kèk tan aprè. Kòmandan Blokis te Lopital e daprè sa yon pitit li fè konnen, doktè te gen pou opere l men gen yon medikaman yo te bezwen, pat genyen l Ayiti.
Se vre nan Lapolis la gen anpil move je men konsa tou, gen plizyè lòt ki pa janm bese tèt yo nan nenpòt sikonstans. Kòmandan Joachim, daprè anpil moun se yon grenn konsa.
