Aprè anpil silans depi l sòti Ajantin nan, Ariel Henry resi pale yèswa vè 9è 30 nan aswè. Premye minis de facto a fè konnen lè a grav e se nan tèt ansanm pou n rezoud pwoblèm yo. Doktè a yon lòt bò kondane asasina polisye yo e mande DG Frantz Elbé yon rapò nan vennkatrè. Li fè konnen li pral òganize yon CSPN rapid pou atake pwoblèm polisye yo.
Ariel Henry fè yon sòti sipriz menm jan ak Frantz Elbé ki te deja anile pwen près li a e aprè li bay li. Nan vwa 2 dirijan sa yo, moun ka santi anpil twoub paske yo pa an mezi pou atake vrè pwoblèm yo nan sans pou yo fè l la.
