Jan sa te anonse semèn pase a, dominiken k ap pwodui ze yo t al simaye plizyè kès ze devan moniman agrikòl Moca a. Sitou ze ki pouri nan men yo. An menm tan, yo fè moun kado anpil tou daprè sa nou jwenn kòm enfòmasyon. Pwodiktè sa yo te lanse anpil pawòl pawòl pike kont prezidan yo a ki fèmen fwontyè a.
Yo mande Luis Abinader pou dedomaje yo akoz yo pèdi anpil lajan. N ap raple sou anviwon 227 milyon ze dominiken yo pwodui chak mwa, 40 milyon se Ayiti yo te konn voye yo, daprè jounal Listin Diario.
