Depi aprè dega bandi ak zam fin fè nan Tomasen kote yo t ap tante fè yon kidnaping, lekòl yo twouve yo nan obligasyon pou fèmen pòt yo akoz lapèrèz. Bandi yo te antre nan yon lekòl nan Tomasen 32, sa lakoz anpil ti moun te blije dòmi nan kèk etablisman. Malgre dispozitif sekirite Lapolis mete sou pye nan zòn nan, sa pa anpeche kè sote a rete pi rèd.
Ti Makak ak akolit li yo deside pou mete tout blòk Tomasen an tèt anba. Se Lapolis k ap tante mete lapè. Malgre gen bandi ki tonbe, tout limit la rete trè timid.
