13 novanm 2020 an, peyi Lèzetazini kontinye mande jistis pou viktim masak Lasalin yo, epi pwofite mande otorite ayisyen yo aji.
Nan yon nòt sou sit li, anbasad amerikèn nan peyi Dayiti ekri: « Nan okazyon dezyèm anivèsè zak vyolans 13 ak 14 novanm 2018 yo nan Lasalin, Etazini renouvle apèl li pou jistis pou viktim Lasalin yo. Nou ankouraje gouvènman ayisyen an akselere ak entansifye efò li yo pou mennen moun ki komèt krim sa yo devan lajistis. »
Nan dat 13 ak 14 novanm 2018, 70 moun pou pi piti peri, ak bal oswa rache, anba men bandi. Nan ankèt li, Direksyon Santral Polis Jidisyè a (DCPJ) te lonje dwèt sou plis pase 70 moun ki genyen men tranpe nan zak sila, pami yo otorite leta ak 2 ansyen polisye, Jimmy Cherisier alyas Babekyou ak Gregory Antoine alyas Ti-Greg. Yon lòt kote, non Pierre Richard Duplan, ansyen delege depatmantal pou Lwès ak majistra Pòtoprens, epi Fednel Monchéry, ansyen direktè jeneral nan Ministè Enteryè a ak otorite teritoryal yo, te site nan lis sispèk yo.
Pooshy rosana
