Minis Enteryè ak Kolektivite Teritoryal peyi Dayiti a ki se Litz Quitel pa rive jwenn viza Schengen li t al reklame nan anbasad peyi Lespay an Ayiti a. Minis la te gen pou l al rann yon ti vizit espesyal. Sa rive nan moman kote peyi Etazini koupe viza anpil ofisyèl an Ayiti e pami yo gen 2 minis an fonksyon sou gouvènman Ariel Henry a.
Anpil manm nan gouvènman Ariel Henry a sible nan moun ki p ap ka vwayaje poutèt yo tonbe anba sanksyon peyi ki di yo se zanmi Ayiti yo. Minis Litz Quitel toujou gen enfòmasyon k ap kouri sou li kòm kwa se nan otèl li ap viv men li pa fasil pase nan ministè l ap dirije a.
