Gary Bodeau, Rony Célestin ak Hervé Fourcand se 3 nouvo pèsonaj sa yo gouvènman kanadyen an mete nan kanpe lwen. Daprè ministè Zafè Etranjè peyi Kanada a, yo pral sezi byen mesye sa yo pou trafik dwòg ak blanchiman lajan. 3 ansyen palmantè sa yo p ap ka antre nan peyi Kanada nonplis menm jan sa ye pou Youri Latortue ak Joseph Lambert.
Daprè radyo Kanada, mesye sa yo ki konn okipe gwo wòl nan peyi a, yo nan anpil move zafè se youn nan rezon ki fè peyi Kanada deside bare yo lawout. Se yon desizyon ki montre a klè anpil nèg politik nan peyi sa a pa serye.
