Machin gwo figi, sirèn, vit nwa kou chabon, tout klate figi toujou ap vire tounen nan Petyonvil paske yo paka desann Pòtoprens. Prèske tout gwo biwo nan administrasyon piblik la se nan Petyonvil yo ye, nan kay prive ak otèl. Chak maten, tout gwo otorite nan peyi a ap bouskile moun ak machin yo pou ale nan biwo yo ki swa nan yon otèl oubyen nan yon mezon prive. Palè Nasyonal kote Konsèy Prezidansyèl la ta dwe syeje, se nan Dèlma 60 la yo oblije kwense kò akoz lapèrèz.
Sa vin lakoz prèske tout lavi piblik, ekonomik ak politik peyi a kwense nan komin Petyonvil pandan fatra ap fè moun obsèvasyon.
