Sòti anba lavil, pase sou Lali, vire Kafou Ayewopò, monte sou Dèlma pou n site zòn sa yo ase, anpil deblozay sa ki andikape sikilasyon an e ki lakoz anpil lekòl fèmen pòt yo, san bliye anpil lòt enstitisyon prive ki kanpe travay. Tout sa, se yon mwayen pou popilasyon an mande Ariel Henry retire kò l nan tèt peyi a paske l p ap regle anyen e se gang l ap bay jarèt.
Se yon gwo kou pa konprann gouvènman an pran e gen moun ki deja prevwa Ariel p ap ka siye kajou sa a. Se yon mouvman ki kòmanse san pyès moun pat lanse l vrèman maten jedi 18 janvye a.
