Nan lannwit 10 pou bout 11 septanm 2023 sa a, pastè Gérald Bataille fè vwèl pou peyi san chapo. Se aprè yon malèz pandan l t ap preche Legliz li ayè dimanch lan sa rive. Fanmi l te ale avèk li Lopital Bernard Mevs, malgre li te reprann li men sa pa anpeche l mouri vè minwi ak 69 rekòt kafe sou tèt li. Se youn nan lidè reljye ki te konn mennen batay kont ansyen prezidan Jovenel Moïse.
Pastè Gérald Bataille te fonde Inivèsite Yahvé Nissi, li fonde 18 lekòl nan tout peyi a e li te kòmanse Ministè l ak 16 lane. N ap raple gen yon ri ki pote non l nan vil la ki se « Kafou Gérald Bataille ». Pastè Bataille te dyabetik.
