Poutèt li vyole lòd piblik e paske li vyole atik 283 kòd penal ayisyen an, pastè Armel La fleur jwenn envitasyon Tribinal Premye Enstans Pòtoprens pou vin reponn kesyon sou sa yo repwoche l yo. Lidè relijye a gen pou l parèt devan pakè a demen mèkredi 4 janvye 2023 a apati 10è nan maten. N ap raple depi nan jou pase yo, gen yon videyo k ap vire sou rezo yo kote pastè a ap montre moun kouman pou yo fè bagay.
Envitasyon sa a vin ajoute sou divès lòt lajistis te konn voye bay pastè a pou prèske menm bagay sa yo. Pastè Amel resevwa anpil kritik paske li toujou fè pase ògèy li an premye nan zafè preche levanjil.
