Yon fizi Barret kalib 50mm, 17 fizi kalib 7.62mm, yon fizi kalib 9mm, 5 pistolè Glock kalib 9mm, yon mitrayèt Uzi, 36 000 katouch diferan kalib, 18 chajè pou fizi ak 13 lòt chajè pou 9mm, yon chajè fizi kalib 50, yon silansye ak yon bwat pistolè, se kantite zam ak minisyon sa yo lapolis dominikèn sezi nan yon pò lakay vwazen. Otorite yo kapte materyèl sa yo jounen madi 4 mas 2025 sa a. Zam ak minisyon sa yo sòti Etazini pou antre Ayiti.
Yo pa di kiyès ki voye zam sa yo ni ki kote yo t a debake avèk yo an Ayiti. Sa pwouve Ayiti se yon peyi ki vann tout bon.
