An prezans Edgard Leblanc Fils ak Frantz Elbé ki te parèt toumante anpil, Normil Rameau enstale ofisyèlman kòm 15èm Direktè Jeneral Lapolis Nasyonal d Ayiti. Nan diskou sikonstans lan, nouvo DG pou yon ti bout tan an di li konnen travay la p ap fasil men li pwomèt ak sipò rès manm ki nan kò a, y ap rive trake tout bandi k ap bay pwoblèm nan peyi a.
Ansyen patwon DCPJ a retounen nan tèt polis la nan yon moman kote tout bagay tèt anba sou plan sekirite. Edgard Leblanc Fils, prezidan Konsèy Prezidansyèl la di li kwè ak Normil Rameau gen yon souf ki pral rale.
