Nèg ak zam kontinye fè lwa yo nan peyi a. Yo kidnape, yo rache, yo touye lè yo vle, kote yo vle. Yon pil nèg ak zam ame jis nan dan kidnape Philippe Samedi Choubert, nan biznis li, nan Dèlma 40 B, ayè lendi an, bò 10 zè nan aswè.
Philippe Choubert se yon sitwayen ki t ap viv Canada, ki pa viv sante, ki antre Ayiti, daprè madanm li ki pat ka kenbe dlo nan jel nan radyo karayb.
Daprè madanm Choubert, bandi yo pran tout telefòn moun ki te prezan nan moman kidnapin nan t ap fèt la. Yo bat anpil yon gadyen ki te la, ki t ap eseye chape poul li. “Depi yè a mwen pa jan m gen nouvèl mari m ki dwe toujou pran medikaman lè l fin manje”, deklarasyon madanm Philippe Choubert ak dlo nan je.
Jeff Jean Joseph
