Sòti janvye pou rive 31 mas 2023, ONU di yo resanse 815 moun ki mouri asasine. Pou premye trimès 2022 a, se te 673 e Nasyon Zini kontinye pou di 80% nan ka sa yo se nan Depatman Lwès la yo rankontre yo. Mete sou sa, yo fè konnen pou premye trimès ane 2023 a, se anviwon 637 ka anlèvman ki fèt an Ayiti.
Nan sans sa a, Antonio Guterres, Sekretè Jeneral Nasyon Zini an di li santi l trè preyokipe pa rapò ak remonte zak vyolans yo nan peyi a, se pou sa li kontinye mande pou gen yon fòs espesyal ki vin ede lapolis konbat vyolans gang yo.
